لمه تنسى وانت بتتكلم في وسط الكلام انت بتقول ايه ؟
فرنسا يوسف غازى الشناوى | France Youssf Ghazy Elshenawy
10/09/2024 القراءات: 119
بتلاقي نفسك بتنسى في وسط الكلام كنت بتقول إيه ؟!
فجاه بقيتي بتنسي حاجه كنتي بتعملها مش شويه أو آخر حاجه كلتيها إمبارح أو حطيتي كتاب الساينس بتاع الولاد فين ؟!
فقدان المذاكره القريبه لي أحداث قريبه ممكن يكون بسبب قلة التركيز و اللخبطه بين معلومات كتير الدماغ محتاجه تتعامل معاها في وقت قصير
لكن كمان ممكن يكون علامة تحذير إن خلايا الدماغ بتموت تدريجيا بسبب ارتفاع الانسولين و إلي تعتبر أول خطوه في طريق مرض الزهايمر للأسف
حرفيا دلوقتي بقى مرض الزهايمر إسمه مرض السكر من النوع التالت... Type 3 diabetes
اخر أبحاث اتعملت إثبتت إن النظام الغذائي المعتمد على سكر ابيض و دقيق ابيض و منتجات مصنعه كتير مع دهون غير صحيه بيسبب مقاومة خلايا الدماغ للانسواين.... يعني بتتحرم من الطاقه حرفيا و ده بيسبب موتها تدريجيا
✖️مش بس السكر العالي و الاكل الغير صحي✖️
كمان قلة النوم و الضغط العصبي طول الوقت بسبب ضعف في القدرات المعرفيه للدماغ و إنه يقدر يفرق بين نوع و نوع تآني
عارفين لما تنسى كلمه في وسط جمله بتقولها و تقعد تدور عليها في دماغك و مش لاقيها ؟
دي إسمها ال cognitive function
إلي بتخليك تقدر تركز و تاخد قرارات
للأسف الضغط و قلة النوم و نحط عليهم السكر العالي في الاكل بيعملوا مثلث الزهايمر الخطر والي بيبدأ جسمنا ينبهنا ليه في شكل إنك تنسى الكلام...
تلخبط في المعلومات...
و غيره...
إيه الحل ؟!
١_لازم تاخد وقت من يومك تفصل فيه ، اسمع موسيقى ، العب يوجا ، صلي. أيا كان الطريقه إلي هتخليك تفصل لازم تعملها.
٢_ النوم...
لازم تنام من ٦ لي ٨ ساعات يوما و هنا ده علاج مش رفاهيه...
٣_ قلل الاكل الضار
المعلومه الحلوه إن حتى لو بدأت الاعراض دي عندك تقدر تعالجها و ترجع خلايا دماغك تآني زي ما كانت و أحسن و ده عن طريق أكل صحي و من الطبيعه مش مصنع
الياف كتير
و دهون صحيه عاليه غنيه بالاوميج٣
لمه تنسى وانت بتتكلم
يجب تسجيل الدخول للمشاركة في اثراء الموضوع