تدريب الطفل على استخدام الحمام
فرنسا يوسف غازى الشناوى | France Youssf Ghazy Elshenawy
20/02/2025 القراءات: 13
تدرب الطفل على استخدام الحمام 🚽
كيف تدربي طفلك على دخول الحمام .
فى اساسيات لازم اتاكد منها قبل التدريب 🧐
- التاكد من ان الطفل لا يعانى من اى مشاكل عضوية تمنعة من التحكم فى عملية الإخراج.
- التاكد من ان الطفل لا يعانى من مشاكل حسية لا يخاف من صوت السيفون أو الخوف من الماء .
-يجب أن يكون تم تدريب الطفل على الجلوس على الاقل لمدة خمس دقائق وايضا تم تدريبه على بعض المهارات مثل: اتباع الأوامر خلع البنطلون التدريب على التقليد والتواصل ( بصرى أو لفظى أو بالصور أو بالاشارة ) - تنفيذ بعض الاوامر البسيطة - تنمية الانتباه والتركيز.
طيب ايه الحاجات اللى مطلوب منك يا ماما توفريها
- توفير كرسي حمام خاص بالطفل يناسب حجمه
-طباعة صور للخطوات التى سيقوم الطفل بفعلها داخل الحمام .،
- أن تقومى بتهيئة الظروف لكى تنجح عملية التدريب وده تعمليه ازاى 🤔
مراعاة أن لا يكون هناك أى تغير فى حياة الطفل مثال ميلاد اخ جديد او الانتقال الى منزل جديد او تغيير نوع العلاج الذى يتناوله الطفل وايضا من المهم التدريب فى فصل الصيف لكى تتمكن من التحكم فى عملية التبول بشكل أسهل ويكون الطفل لا يرتدى ملابس كثيرة وثقيله حتى يسهل خلع ولبس البنطلون .
- الإكثار من تناول الأطعمة التى تحتوى على ألياف مثل الخضروات
- تنظيم مواعيد اكل الطفل ونومه 🛌 لكى يسهل تحديد أوقات القيام بعمليه الاخراج
- توفير أفضل الالعاب التى يحبها الطفل ووضعها داخل الحمام فقط
_ ارتداء ملابس يسهل خلعها أثناء التدريب على الحمام 👖
*نيجى لأهم مرحلة مرحلة التهيئة 🤗
- هندخل الطفل يتعرف على الحمام ومكوناته ونفرجه على صور لما سيقوم به داخل الحمام وممكن يشوف اخوه داخل الحمام كنموذج ليقوم بتقليده
- هنبتدى نلعب مع الطفل بالالعاب اللى جهزناها داخل الحمام فقط وفى هزه الفترة تقوم الأم بتسجيل اوقات تبول وتبرز الطفل ونعمل جدول بيها الفترة دى من الممكن أن تستغرق اسبوع
كده خلاص الطفل جاهز للتدريب 💪
_ هتبدأى تدخلى طفلك في الاوقات اللى حدتيها وليكن كل نصف ساعة ويتم كتابة ذلك فى جدول وتسجلى عمل ولا لأ عمل هنعمل علامة (✓) معملش نعمل علامة (× )
و هتسجيلى الوقت اللى عمل فيه سواء قبل الميعاد المحدد فالجدول أو بعده علشان يبقي سهل بعد كده تعدلى الأوقات فى الجدول الجديد طبعا مش هتستعجلى على الطفل هيقعد من ٥ إلى ١٠ دقائق فالحمام مع اللعب والغناء معه ليجلس اطول فترة ممكنة
وهتغيرى الجدول وهتزودى المدة تدريجيا حسب الأوقات التى تمت فيها عمليه الاخراج فى الجدول السابق مع مراعاة تعزيز الطفل على كل خطوة يقوم بها داخل الحمام حتى ولو بسيطة.
👈 التدريب محتاج صبر صبر وطول بال
متزهقيش بسرعة مدة التدريب بتعتمد على مدى إدراك الطفل يعنى بتختلف من طفل لآخر ما فيش معاد ثابت لإنهاء التدريب.
تدريب الطفل على استخدام الحمام
يجب تسجيل الدخول للمشاركة في اثراء الموضوع