العلاقات السامة أو العلاقات المزيفه
فرنسا يوسف غازى الشناوى | France Youssf Ghazy Elshenawy
29/03/2024 القراءات: 820
كلنا وقعنا فى فخ العلاقات المزيفة .. سواء بين الاصدقاء او اشخاص مرتبطين .. بيكون النهاية الحتمية الانفصال .. او الفراق ..
طب اية الحل فى المشاعر الصعبة اللى بنحسها بعد الانفصال او فراقنا بشخص ما كنا بنحبة جدا ..
1_ أول خطوة تاخدها .. لو انت غلطان فى اى شئ ترووح تعتذر .. الأعتذار شيم النبلاء .. علشان متحسش بأى ذنب تجاه الشخص ده .. وتردله اعتبارهـ علشان متخسرهوش
2_ لو انت الشخص المغدور بيگ .. أول خطوة تاخدها .. تعزل نفسگ عن أى شخص .. أولهم هو .. ادى نفسك فرصة تحزن وتعبر عن حزنك بس بينك وبين نفسك حذاري تعلن ،وادى نفسك فرصة تنعزل بمعنى متقابلش حد مش جاهز نفسيا تقابله ، ولا تروح مكان مش بتحبة حتي لو شغلك خد يومين تلاته اجازة لحد ما ترتيب امورك
3_ حذارى جدا انك تفتح مسدچات منه .. او تقرب من صور ليه .. او تحاول تتواصل معاه بأى شكل او أخر .
4_ اقفل كل باب بينك وبينه يوصلكم ببعض .. أشخاص مشتركين بينكم .. اعتزلهم ومتحاولش تسمع لأى شخص يجيب لگ أخبار عنه .. انه مثلا ( حب غيرك خطب غيرك فى حياته حد.. دة هيفتح فى قلبك جرح اكبر وهيقهرگ حرفيا .. لذلك .. تقفل باب أى صله بينك وبينه
5_ حذارى المتابعة .. هى بتبقى صعبة .. بس هتحس بسهولتها يوم ما هتعرف انة خلاص هو اللى سابك يعنى مبقاش عايزك فى حياتة .. " ومفيش حد بيسيب الإ وفى فـ حياته شخص تانى" .. اوعى تصدق أى حجج لأنه اللى بيحب بيحارب علشان الشخص اللى بيحبه .. ومش هيقدر يعيش من غيره ثانيه واحده .. او يرميه لشخص تانى
متابعش علشان أخباره متضايقكش .. لانة هتحن لو لأقيته مثلا منزل حاجة عن الفراق .. لو مريض .. لو ارتبطت هتحس ان فيك نار ايده .. وانت فى غنى عن كل دهـ
6_ استعوض ربنا .. .. واستودع قلبك ربنا هتقول اية بقى حط ايدك ع قلبك وقول معايا .. " اللهم اجرنى فى بلواى واخلف علىّ خيرا منها
7_ هتتوضأ وتصلى وكل مشاعرك السلبيه والدموع .. خليهم لربنا .. قوله يارب انت عالم انى مظلمتش .. ومخنتش .. وانا راضى يا رب انا راضى .. ساعدنى على الرضى وارضى عنى.. وثبتنى وعوضنى ونسينى ..
يارب خرجه من قلبى وعقلى زى ما خرج من حياتى
8_ هتبدأ تحس بغربة .. ووحدهـ .. هنا هيجى دور شغل وقتك اشغل وقتك بأى وكل حاجة طب زى اية .. لو انت طالب ادرس كويس طلع طاقتك فى الدراسة .. لو بتشتغل طلع طاقتك فى شغلك .. فى أنجاز حياتك ..
ارسم .. لون .. اجرى .. انزل چيم .. أبدع فى اى موهبة .. شغل يدوى .. فن .. او نيجى للأهم خد كورسات للغة
طب مش متاح معايا فلوس فى مواقع ويوتيوب بيعلم مجانا .. وفى موقع هعرف اسمو واكتبه بيدى شهادات معتمده لكورسات لغات عن طريق انك بتسجل مجانا وبتختبر عن طريق الشبكة .. والشهادة بتكون معتمده دوليا .. دى هتحطها فى الـ "cv" بتاعك .. وانجح فى اى مجال انجح نجاح ليك مش لشخص غيرك او لمجرد أنك تغيظ حد لاء .. حافظ على نقاء نفسك ..
ممكن اوى تبقى " محاضر تنمية بشرية " .. عن طريق الكورسات والاطلاع الكتير .. ويكون قصادك فرص سفر .. ويكون قصادك نجاح يبهرك وكرير خاص بيك
8_ هنوسع دايرة حياتنا هنشارك فى نشاطات خيرية نتعامل مع ناس طيبين ( دار ايتام .. دار مسنين .. جمعيات خيرية .. مؤسسات محو أمية .. تعليم قراءن .. مدربة فى چيم .. ) .. احتك بناس فقرا .. وحاول تساعدهم قدر استطاعتك .. حتى لو بأبتسامة .. فى مؤسسات بتعمل يوم مخصوص لأعراس الايتام او يوم تطوعى فى اعمال خيرية
9_ الاصدقاء .. هما اهم نقطة الاصدقاء اكتر ناس بعد ربنا واهلك هتقدر تقدملك كل الدعم .. اخرج معاهم واحكيلهم واضعف وابكى عادى انت مش صلب انت بنى ادم عندك مشاعر واحاسيس .. خليهم يحضنوك ويحتووك ..
10_ بعد الفترة دى وكل دة هتلاقى نفسك يمكن شوية بتتعايش .. قرب دايما من الناس اللى يدوك طاقة إيجابية .. ناس تحمسك .. تزيد من نشاطك .. ناس مؤمنة ان ربنا بيقلب كل الموازين لصالحك لأنك مظلوم حتى لو طال الظلم انت حقك راجع راجع ..
11_ التخلص من أى ذكريات بينكم .. شات قديم .. صور .. هدايا .. تقدر تحرقهم قصادك علشان تخلص نفسك من كل طاقة سلبية فيك ..
12_ بص للدنيا بشكل جديد .. أنك لسة بتبدأ انه انت عندك يقين ان ربنا هيعوضك بكل خير " فما ظنكم برب العالمين" .. ربنا هيعوضنى علشان انا عندى يقين فيه انه مش هينسانى .. ولا يغلب عسر على يسرين ..
13_ متخرجش من تجربة لتجربة دون وقت كافى لانك بتظلم نفسك مع شخص جدي لا هتعرف تفهمه ولا تحبه .. مهما قدملك ومهما كان شخص محبوب ويستاهل يتحب .. هيفضل دايما الحائل بينكم .. انك لاقيته فى طريق بعد قصة حب مرهقة .. وحاولت انك تشغل وقتك بيه ودة فيه ظلم ليك وليه ..
14_ اختار شريك حياتك .. يكون فيه تفاصيل منك .. هتعرف ازاى هتركز فى كلامة هيبان لو بيكذب هينسى او هيناقض كلامه .. لو خاين هيبان بسهولة جدا بيتعرفوا والله .. لو بخيل هيبان .. لو مش ناضج او مش مسؤل هتعرف بحكم خبرتك وتجربتك .. حاول انك تتجنب اخطاء الماضى .. واللى فات مات .. متحاولش ترجع تبص عليه .. هل فيه حد مات بيرجع؟!
العلاقات المزيفه
يجب تسجيل الدخول للمشاركة في اثراء الموضوع