مدونة ا / محمد احمد حسنى


( أخبارك ايه ؟ )

ا / محمد احمد حسنى | Mr- Mohamed Ahmed Hosny


07/10/2023 القراءات: 476  


٠ أخبارك ايه ؟
-عادي يعني ، زي كل يوم ، مفيش جديد !
“لإيلاف قريش"
دي أول آية في سورة قريش اللي بعتبرها من السور اللي بتناقش مشكلة حياتية يوميه وهي ( إلف النعمة ) ، ربنا بيقولنا لإيلاف قريش واعتيادهم على استقامة مصالحهم ورحلتيهم بالشتاء والصيف دون النظر لواهب هذه النعم ومديمها !
الرسول صلى الله عليه وسلم يقول ( من بات آمناً في سربه ، معافاً في بدنه ، عنده قوت يومه ، فكأنما حيزت له الدنيا بحذافيرها )
، يعني كأن الدنيا كلها ملكك !
*ايوه بنام واصحى كل يوم عندي قوت يومي وآمن في بيتي ، إيه الغريب يعني ما أنا زي كل الناس !
-المفاجأة إنك مش زي كل الناس ، في ناس بتقوم الصبح مش لاقية لقمة تاكلها ، وفي ناس قاعدة في بيوتها مستنيين الموت في أي لحظة ،وفي ناس بيفقدوا عزيز كل يوم وفي ناس معندهاش مأوي تسكن فيها ،وفي ناس مش بتنام من شده المرض والألم !
لا تألف فتجحد ، لكن اشكر الله تزيدك نِعمته
افرح بنعمة ربنا عليك واشكرها حتى لو متكررة للمرة الألف ، لأن مجرد دوام النعمة نعمة ، وإلف النعمة وعدم شكرها جحود وظلم .
.............
ولما حد يسألك أخبارك ايه متردش : زي كل يوم ، لان زي كل يوم دي نعمه توجب الشكر وصدقني انت في شلال نعم من ربنا ، ناس كتيره يتمنوا ابسط حاجة عندك فا لما يسالك اخبارك ايه قل : الحمد لله الذي أغناني من فضله من غير حول مني ولا قوة .


اللهم صل وسلم وبارك علي نبينا محمد صلى الله عليه وسلم


يجب تسجيل الدخول للمشاركة في اثراء الموضوع