ازاى اشتغل مع ابنى مهارات لغوية
فرنسا يوسف غازى الشناوى | France Youssf Ghazy Elshenawy
10/12/2024 القراءات: 38
سؤال ام
ازاي اشتغل مع ابني مهارات لغويه/تخاطب ؟؟
اولا لازم تعرفي ان في مهارات اسمها
مهارات ماقبل اللغة..
والمهارات دي مهمة جدااا لانها تؤهلك الي الحصول على نتائج اللغة .
مهارات ماقبل اللغة ..
اولا - الانتباه والتركيز
لازم تشتغلي مهارات انتباه وتركيز بجميع اشكالها
-التركيز والانتباه السمعي
-التركيز والانتباه البصري
-التركيز والانتباه الشمي
-التركيز والانتباه التذوقي
تانيا - مهارة التقليد :
ومهم اوووووي انه يتعلم كيف يقلد
التقليد يعني انا بعمل نموذج قدامك وانت تقلده
وفي الاول طبعا تساعدي ابنك مساعدات كليه لحتى يستطيع انجاز التقليد
واهم جزء في التقليد هو التقليد الشفهى اي الصوتي
مثال . فتح الفم.
اعطي لابنك امر _ اعمل كده
( اعملي النموذج افتحي فمك قولي انتي اااا)
ثم ساعديه بفتح فمه
والتقليد الصوتي قد تجدي صعوبه في انه يستحيل هنا استخدمي رافع اللسان لفتح الفم عليه شيى ابنك يحبه شيكولاته مثلا عشان يفتح الفم وساعديه يقول اااا
ثم تقليد صوت اااااي ااااااو بببببااا
صوت الزغروطه باللسان
رفع اللسان واقل للللل
كلهم بنفس الخطوات امر اعمل كده ادي النموذج انتظري من ثانية لاربع ثواني
لو مفيش استجابه ابدء المساعدة
دي اساسيات ماقبل اللغة او ما قبل الكلام
ثالثا - اللغة الاستقباليه :
هنا انا بخزن لابني اسماء ومعاني كل شيء حوالينا زي اجزاء الجسم
الفاكهة الخضار الحيوانات الملابس المواصلات الاشياء بالبيئة. الالوان الصفات الاتجاهات الافعال كل شيء
انا بعرفه لابني ومطلوب منها هنا انه يستقبل ويديني اشاره انه فاهم الكلام
من خلال التدريب على هات خذ فين شاور .
رابعا - اللغه التعبيريه ..
هنا هو بيعبر بالكلام لما اقوله ايه ده على مثلا جزء من جسمه يقولي عين او فم
او على فاكهة تفاح مثلا وهكذا
توصف الافعال على الواقع وعلى صور لما اقوله بيعمل ايه يرد بالفعل
يفرق بين المذكر والمؤنث
يميز ويستخدم الافعال للمذكر والمؤتث
يميز ويستخدم الضمائر
يصرف الافعال
يرتب احداث مسلسله
ينقل رساله قصيره من شخص لشخص
يوصف حدث من صور
يعيد سرد حدث قديم اعتمادا على ذاكرته
لازم تعرفي ان اساس اللي مهارات ابنك
بتتبني عليه ونجاحك في تدريبه
هو المعززات اي المكافات
ودي لما ابنك تسجيب للشغل تعززيها عشان يستجيب ويشتغل معاكي .
انواع المعززات :
- غذائيه .. . كل ما له علاقه بالاكل والشرب ودي لازم بكميات قليله عشان ميحصل اشباع منها ويهبط دافع الشغل عند ابنك
- ماديه زي الالعاب والهدايا. التلفاز
- اجتماعيه . الحضن التقبيل الرفع لفوق اللف والدوران بيه
- رمزية .. زي الاستيكرات . علامه صح النجوم
- نشاطية .. تتعلق بالانشطه مثل الرسم الرياضه الملاهي
* لازم تعرفي ان المعزز لازم يكون في اول التعليم مباشر يعني على طول بعد الاستجابه الجيده
- بعد كده يبقى متقطع بعد عدد من الاستجابات الجيده
- ثم تعزيز متباعد زي مثلا اخر اااسبوووع هنروح النادي هنسافر .
العمود الثاني للنجاح هو المساعدات
لايوجد مهارة لا تحتاج لمساعده في بداية التعليم
المساعدات في التخاطب هي مساعدات لفظيه كامله اني بلقنك الاجابه كامله .
ثم متوسطه جزء من الكلمه .
ثم اسحب المساعدة .
ازاى اشتغل مع ابنى مهارات لغوية
يجب تسجيل الدخول للمشاركة في اثراء الموضوع
مواضيع لنفس المؤلف
مواضيع ذات صلة