مدونة فرنسا يوسف غازى الشناوى


إذاى نمهد لأولادنا الذكور تفاصيل مرحلة البلوغ

فرنسا يوسف غازى الشناوى | France Youssf Ghazy Elshenawy


2/20/2024 القراءات: 107  


#ازاي_نمهد_لاولادنا_الذكور_تفاصيل_مرحلة_البلوغ
🟠 لو عندنا اولاد داخلين على مرحلة البلوغ هنا هيكون دور الأب مهم جداً ومحوري ،زي مثلاً ان الاب يقدر يقدم لأبنه المعلومات السليمه ويفهمه تفاصيل المرحلة والتفاصيل اللي هتحصله سواء تغير في شكل جسمه الخارجي والداخلي اللي بيتطلب مننا تقبل للتغيرات دي بالاضافة لضرورة زيادة الاهتمام بالنظافة الشخصية
🟠 وكمان نفهمهم ان التغيرات في المشاعر والافكار والاثارة ناحية الجنس الاخر دي كلها أمور طبيعية ومن سمات مرحلة البلوغ ، لكن لازم نتعامل معاها صح علشان مناذيش نفسنا ولا نأذي حد حوالينا
🔴ونعرفهم ان فيه طرق كتيرة تساعدهم على انهم يتجاوزوا تغيرات مرحلة البلوغ بسلام من اهمها مثلاً الرياضة او نمارس هوايه بنحبها، ومنحاولش نعرض نفسنا لمثيرات وحتي لو ده حصل لازم نفهم انه حاجة طبيعية لكن رد فعلنا علي ده هو اللي لازم يكون فيه قدر من المسؤولية تجاه نفسنا وتجاه الاخرين .
🟠 ونفهمهم ان الوقت المناسب لاي مشاعر او افكار بيكون خلال علاقة شرعية ومعلنة في وقتها المناسب لان افكارنا كل مادا بتتغير بسرعه ولما نوصل للنضج الكامل ساعتها نقدر نحكم على الامور بموضوعية وبدقة
🟠 النصايح ضروري تكون هاديه وبشكل مباشر وغير مباشر ، لانه هتكون مرحلة مليانه رغبه في الاستكشاف من جانب الاولاد وعشان كدا لازم منستناش لما يسأل وناخد احنا كأباء خطوة استباقية في اننا نقدم ليه الاجابات اللي متوقعين انها خاصة بأسئلة هتعدي على عقله ومنتظره اجابات.
🟠ضروري نفهمهم اننا جاهزين في اي وقت يشوفه عايز يفتح المجال للحوار او لما يحس انه عايز يسال او يتكلم فهنكون احنا مستنينه بكل حب عشان مينفروش مننا ويروحوا لاصدقاءهم اللي ممكن يخلوهم يتصرفوا تصرفات مش حلوة من خلال تجاربهم ومعلوماتهم الغلط ، ساعتها هنخطي مرحلة البلوغ بسلام وكمان هنساعدهم يكون عندهم وعي ايجابي يقدر يخليهم يتعاملوا مع اي تحدي بثبات وفهم حقيقى


تمهيد لمرحلة المراهقة


يجب تسجيل الدخول للمشاركة في اثراء الموضوع