كتابة السيرة الذاتية CV writing
د.نعيمة ابو حسنة | DR.NAEMA ABO HASNA
25/04/2022 القراءات: 2699
🔹السيرة الذاتية هي وسيلة التواصل بينك و بين طالب الوظيفة أو مسؤول الموارد البشرية في المؤسسة أو المنظمة يتكون من :
1- معلومات شخصية.
2- التحصيل العلمي.
3- الأعمال السابقة.
4- الخبرات.
5- المهارات.
6- التدريبات التي حصلت عليها أو قمت بتدريبها.
7- مهارات الكمبيوتر و اللغة الإنكليزية.
8- الهوايات و المهارات الإضافية.
9- معلومات التواصل.
10- شكر و تقدير.
🔹المعلومات الشخصية:
اسم و كنية، تاريخ تولد، الجنسية، مكان الإقامة، جواز سفر موجود أو لا.
🔹التحصيل العلمي:
فرع (س) في جامعة (ع) تاريخ كذا
و إذا في تحصيل علمي تاني كمان نفس التفاصيل.
طبعا أي تفصيل ضمن السيرة الذاتية لازم يكون مفصل بالتاريخ والمكان.
🔹الخبرات و الأعمال السابقة:
لا يحبذ وضع خبرة عمل تقل عن 6 أشهر في سيرة ذاتية. الخبرة يتم احتسابها من مدة 6 أشهر فما فوق.
الأعمال السابقة (اكتب فقط آخر 3 أعمال قمت فيها مع المنصب الحالي لو في شغل حالي. و انتبه اكتب أفضل 3 مهام من كل عمل اشتغلته و لا تكتر حكي أو تغلط إملائيا مثلا.
1- شغلت منصب كذا في منظمة (س) لمدة سنة مثلا من 1/1/2016 حتى 1/1/2017 في منطقة كذا كان من أهم مهامي خلال هذا المنصب: ١ /٢
العمل يلي قبله كان .... (نفس الملاحظات يلي ذكرتها بالأسطر السابقة)
من مهامي:
١ /٢/
العمل 3
مهامي:
١/ ٢/
طبعا انتبه كتير للتواريخ و المسميات
و حاول بالفقرة هي ما يكون فترات عملك متباعدة أو في أوقات عاطل عن العمل فيها قدر الإمكان تكون الأعمال متصلة و طبعا العمل ممكن يكون تطوعي مو شرط مأجور.
🔹الخبرات :
هي العمل الذي قمنا به في ما مضى.
يتم ذكر الخبرات واحدة تلو الأخرى بشكل مرتب و على شكل رؤوس أقلام مثلا :
1- خبرة في مجال حماية الطفل بما يتعلق بسلوكيات الأطفال و الاضطرابات النفسية و السلوكية و التعامل مع حالات التوحد.
2- في مجال الدعم النفسي و الاجتماعي خصيصا ما يتعلق بطرق التعلم عن طريق اللعب و مناهج المنظمات في ذلك.
3- خبرة في العمل الإنساني لمدة كذا.
و هكذا فيما يتعلق بموضوع الخبرات.
🔹المهارات:
المهارة هي الشيء المكتسب بما يتعلق ببرامج النت و الكمبيوتر و اللغات و التفاوض و المشكلات و مهارات التعامل مع التحديات و المصاعب و التواصل و الاتصال الفعال.
طبعا المهارة هي بند كتير مهم ممكن الموارد البشرية تطلع عليه ك نقطة تانية بعد نقطة أولى هنن بحددوها بشكل كتير مهم.
لأنو المهارات أصدقائي هي شيء بميزنا عن غيرنا و يجاوب على سؤال الموارد البشرية ( ليش اختار حضرتك ما اختار شخص تاني ).
المهارات لا تحتاج تاريخ أو مكان لأنها شخصية تتعلق بالذات.
🔹التدريبات التي حصلت عليها:
هذا البند بضم كل دورة أو تدريب خضعتلو مع هيئات رسمية أو مجالس محلية أو منظمات أو جمعيات..
طبعا هون كتير مهم تذكر
اسم التدريب - مدته - تاريخه - اسم المدرب - الجهة المانحة للتدريب أو الشهادة.
حتى لو كان حضورك بدون شهادة بس يكون أكيد حضرانه مشان إذا حب يتأكد الموارد البشرية منك و يسألك من هذا التدريب أو عن المدرب.
التدريبات التي قمت بتنفيذها ك مدرب
(طبعا لو كان الشخص مشتغل ك مدرب أو عاطي تدريبات لحدا)
كمان تذكر :
اسم التدريب- تاريخ - مدة - مكان - جهة مستفيدة من التدريب يعني من ضمن أي فئة أو أي هيئة كان المتدربين و الشهادة معتمدة من حدا أو لا.
🔹لو حبيت ما تحط الإنكليزي و الكمبيوتر ببند المهارات
هون لازم تحطه بهي الفقرة
تحت عنوان مهارات اللاب توب و اللغات الأخرى
بدك تنتبه تنوه إلى مستوى مهارتك في اللابتوب
جيد - وسط - مبتدئ
و إذا في برامج بتعرف تشتغل عليها حطها هون و حدد مستواك فيها و كمان برامج نت متل أوتلوك ايميل كوبو جوجل...الخ
و الإنكليزي نفس شي
حدد مستواك ع مبدأ
محادثة
كتابة و قراءة
ترجمة
مراسلات، إلخ...
🔹مهارات و هوايات لم يتم ذكرها :
( هون لازم تسوق لنفسك يعني تمدح حالك بشغلات فريدة أو متصلة بالوظيفة يلي متقدم عليها حضرتك ).
هون إذا في شي إضافي حابب تكتبه هو الهوايات مثلا..
🔹معلومات التواصل:
يعني إذا عجبو سيرتك الذاتية هون فورا بشوف معلوماتك و بسجلهم أو يتواصل معك.
يلي تتضمن:
1- رقم الهاتف.
2- رقم هاتف احتياط.
3- الإيميل (يفضل يكون باسمك الصريح مو أرقام و دلع أو لقب) يعني مثلا
AhmadSulaiman@..com
و ليس مثل
Goodman@..com
و حسابك سكايب وفيسبوك لو حبيت تضيفه.
🔹ما تنسى بالنهاية تكتب شكرا لوقتكم أو تحياتي، أو أي كلمة شكر للموارد البشرية أنو قرأ سيرتك الذاتية.
🔹نصائح حالية:
لا تكتر حكي فاضي.
لا تحاول تكذب أو تضخم شي مو موجود لأنو رح ينكشف.
اكتب كل شي بطريقة منسقة و واضحة بسيطة بعيدة عن التكلف.
لا تنسى التاريخ و مكان التفاصيل بالأماكن التي ذكرت.
#مقتطفات من إدارة المواد البشرية ❤️
السيرة الذاتية
يجب تسجيل الدخول للمشاركة في اثراء الموضوع
مواضيع لنفس المؤلف
مواضيع ذات صلة
شكرا جزيلا على المعلومات القيمة.
اهلا وسهلا استاذ سماحية دايم