كل محاولة منك لتربية اولادك مفيهاش تعبير عن الحب هى محاولة فاشلة
فرنسا يوسف غازى الشناوى | France Youssf Ghazy Elshenawy
09/03/2025 القراءات: 26
🔴
🔴
كل محاولة منك لتربية أولادك مفيهاش تعبير عن الحب، هي محاولة فاشلة فاسدة مدمرة لنفسية وشخصية أولادك 🟥
قصص مأساوية بسمعها وبشهد عليها يوميا، بتقول ان التربية اللي بتخلو من الحضن، من التقبيل، من الحنان، من الحوار الهادي، من مشاركتهم، من خفض الجناح للأبناء،،، هي مش تربية اصلا، دي مصايب تتحرك على الأرض
تعالوا اقولكم بعض من نماذج التربية التي تخلو من الحب والحنان نتايجها عاملة ازاي :
* الوسواس القهري (هو الشعور بعدم الكفاية الدائم والمستمر بسبب كثرة النقد والتعنيف) عمال يعيد ويزيد في الحاجة لانه حاسس دايما انه معملش اللي عليه ودايما نقصه حاجة
*الاعتمادية والاتكالية (بسبب التدليل الزائد وتلبية جميع الطلبات رغم عدم وجود حب وحنان) تلاقي أب مش بيرفض طلبات أولاده وعمره ما ضرب حد فيهم which is good ،لكن عمره ما حضن حد فيهم
*الفجر في الخصومة (بسبب رفض الاعتذار وتحميل الطفل الذنب دائما) يكبر الطفل حاقد وغاضب من كل اللي حواليه
*الخوض في علاقات محرمة في الخفاء والاباحيات (بسبب كثرة الانتقاد وعدم تقبل أخطاء الأبناء) يضطر يعمل كل اخطاؤه في الخفاء
*الإكتئاب الحاد المرضي (شايف الدنيا سودا من كتر السواد اللي عاش فيه،. خصوصا لو بين أبوين غير متفاهمين)
*الانعزالية والتقوقع على الذات وعدم الاختلاط بالآخرين ( لنظرته التشاؤمية للبشر ورفع مقاييس المثالية بسبب رفض الوالدين له ونقدهم الدائم والمستمر)
ده غير طبعا المناوشات والخناقات اللي عمال على بطال وتعمد احراجه لوالديه كنوع من الانتقام الخفي اللارادي
ده غير كمان ان بعض الأمراض العضوية قد تصيبهم بسبب القسوة وافتقادهم الشعور بالحب، زي أمراض المناعة والسكر والقلب والغدة وأمراض العظام والمفاصل
أمراض نفسية وعضوية كتير قد تصيب ابنائنا فقط بسبب فقدهم لعنصر الحب في طفولتهم وشبابهم
القسوة، والتدليل، وجهان لعملة واحدة تفسد أولادنا وتدمر حياتهم
لا هم في الدين ولا هم في كتب التربية الحديثة
يبقى ليه لسه بنتبع الأساليب الفاسدة المدمرة دي في تربية ولادنا
افرد دراعك لأولادك وخدهم في حضنك، خصص وقت تحبهم فيه، قولهم كلام حلو في الرايحة والجاية، شاركهم هوايتهم ، اخرج معاهم وانزل لسنهم، قلل عصبية ونقد ليهم، وقف شتمهم وضربهم فورا، اشترلهم هدايا وان كانت بسيطة، فاجأهم بالحاجات اللي بيحبوها
الحب حرفيا بيصنع المعجزات،. زي ما استطاع الرسول صلى الله عليه وسلم بالحب تحويل قلوب وافكار وعقول الصحابة جذريا، حولهم من قساة القلوب إلى أرحم الناس 🌹❤️
كل فى طريقه تربية الأبناء
يجب تسجيل الدخول للمشاركة في اثراء الموضوع
مواضيع لنفس المؤلف
مواضيع ذات صلة