الروشيتة السحرية للطفل الى بتحرك كتير
فرنسا يوسف غازى الشناوى | France Youssf Ghazy Elshenawy
18/02/2023 القراءات: 1849
الروشتة السحرية للطفل اللي بيتحرك كتير ومش مركز؛ :لابد مبدئيا من التفرقة بين الطفل الحركي كنمط شخصية وبين الطفل غير الحركي ..
الطفل الحركي؛:محب فك وتركيب؛محب أحضان، ؛يحب الحيوانات والاطفال الصغار،عطوف؛لا يجيد السرد؛ عاشق لكرة القدم وميال للرياضة البدنية ؛لا يهتم كثيرا بالاوامر الملفوظة..
الطفل ده كلما تحرك كلما زاد تركيزه بشرط انكم متزعقوش له....بمعني اديله قطعة صلصال او يويو او اقعده ع كرسي هزاز او اسيبه يتحرك حولي مزعقش واردد المعلومة..ولا اطلب اعادتها فورا...هتلاقيه رائع ان شاء الله مع مراعاة ان الحل علي المعلومات الجديدة لازم يكون صح وغلط ...واكمل...مش مقالات.....عشان المعلومة تثبت...
يبقي الكلام ده عن مين عن الطفل الحركي اللي نمط شخصيته فيه الصفات اللي انا كتبتها فوق ☝...
والاجمل انك تضيفي وسائل عملية في الشرح يبقي رائع يعني مثلا تجارب علمية او كرة ارضية او خرائط...الخ...
طيب الطفل ده انجازه هيتحسن كتير لو عملت معاه كده...
_____________
طيب الشق التاني من الموضوع
الطفل اللي بيتحرك كتير ومش بيركز ومش حركي كنمط شخصية
يعني أيه؟؟
يعني بيتحرك ويفرك ساعة المذاكرة بالذات
لكن مركز امام التلفاز واللاب وكله
ومش بيحب الرياضة
ولا محب احضان
ولا فيه المواصفات اللي فوق☝
ده اسمه طفل متوتر
مهما كان نمطه..
بمعني هو متوتر بمحرد ما تيجي سيرة قعدة الواجب او المذاكرة
ويبدا يتحرك ويفرك...
ليه
لان المذاكرة بقت شئ ضاغط ع اعصابه..بيؤدي لافراز هرمونات القلق زي الادرينالين اللي بيدي الجسم طاقة عضلية..يبدأ يتحرك ويتزهق...
وده لو سمحتم محتاج
1 الكف نهائيا عن الشخط فيه حتي لو مقصر وكفاية عصبية عليه
2 منحه كلمات تشجيعية مش بافراط عشان ميفتكرش انكم بتضحكوا عليه
3 عدم التدقيق معه في التفاصيل ...يعني بلاش عيد دي وخطك وحش...وكده
4 عدم الإكثار من التهديد والوعيد...مع محاولة تدخيل مدرس متفاهم يفك عقدته ويشرح باسلوب لبق....
5 مساعدته قدر الإمكان ف القيام بما عليه
ملحوظة امهات كنير محتاجين يتعرفوا علي اساليب المذاكرة
يبقي لو الطفل حركي هنحدد نمطه من الصفات اللي فوق ونسيبه يتحرك من غير زعيق
لو مش حركي هنهدا ونتجاهل شوية عشان اعصابه تهدأ
ملحوظة اللي ولادها كبروا ومش عارفة تسيطر...ياربت تعملي له جلسة او 2 مع متخصص نفسي او لايف كوتش يعمل له تحديد هدف وتوجيه ...ولا سيما المراهقين...
روشيتة سحرية للطفل الحركى
يجب تسجيل الدخول للمشاركة في اثراء الموضوع