مدونة فرنسا يوسف غازى الشناوى


الأم العصبية أنتى خطر على اطفالك

فرنسا يوسف غازى الشناوى | France Youssf Ghazy Elshenawy


10/11/2022 القراءات: 109  


الأم العصبية
أنتي خطر على أطفالك..
فالأم التي تكون منفعلة طوال الوقت تجعل الطفل مشحونًا بـ3 هرمونات؛ هي: الكورتيزون والأدرينالين والنورادرينالين، وقد يكون الطفل عرضة للخطر وللإصابة بالكثير من الأمراض.
يعني ببساطة عصبيتك بتأذيه مش بتفيده أبدا .

طب زي ايه من الأمراض اللي ممكن تصيب الطفل نتيجة عصبية الأم :-
1- التبول اللاإرادي.
2- صعوبة النطق .
3- النسيان.
4- يكون الطفل أكثر عُرضةً للإصابة بالسكر و الضغط.
5- التشنجات.
6- العصبية.
7- يتأثر مستوي تركيز الطفل، و دا لأن ارتفاع هرمون الأدرينالين بالدم بيسبب إغلاق الذاكرة بصورة مؤقتة عند الطفل.

من أشهر الأسباب اللي ممكن تكون السبب في عصبيتك هي:-
1- انك بتاخدي الأمور بشكل شخصي
لأسباب غير منطقية تماماً،بتبدأ الأمهات تاخد عصيان اطفالها او عدم تنفيذهم لكلامها، علي إنه إهانة شخصية ليها!

2- توقعاتك محتاجة تتعدل
التعامل مع طفلك اللي كان بيبلغ 3 سنين هيكون مختلف عن التعامل مع الطفل اللي عمره 6 سنوات و كمان ردود فعله هتكون مختلفة ، يعني متتوقعيش ان رد فعل ابنك هيكون واحد علي مدار العمر و تعرفي ان دا الطبيعي عشان متبدأيش في العصبية و الغضب من غير أسباب منطقية.
كمان لازم نحط توقعات ان الطفل مش هينفذ كل اللي بيتقاله و في موقف او اتنين علي مدار اليوم هيقول لأ او مش هينفذ اللي المفروض يتعمل.

3- طاقتك خلصت
اشحني طاقتك عشان تقدر تتدي، خلي في وقت ليكي، بعيد عن الأطفال و عن اي حد، عشان تقدري تكملي.

✨ سر من أسرار التربية الناجحة و يعتبر من أهم الوسائل اللي ممكن تخلصك من العصبية وهي : السيطرة علي النفس.

عشان تقللي من عصبيك، في طرق و خطوات كتير ممكن تتبعيها عشان تساعدك في دا، ومنها:-
- أول حاجة لازم تحددي سبب الغضب الحقيقي ايه، ايه اللي مضايقك و بتطلعيه علي الطفل، هل الشغل؟ هل مشكلة معينة؟ ، لازم نوصل للمشكلة فعلاً، عشان نعرف نحلها.

- سيطري علي نفسك.

- الرياضة
ممارسة الرياضة هيكون ليها تأثير إيجابي جدا جدا علي الأم العصبية أو لو عندك ضغوطات محتاجة تطلعي كل ال negative energy من جواكي و في نفس الوقت بتفيدي نفسك و جسمك و صحتك.

- كمان من أهم الأسباب اللي بتخلي الأم تتعصب علي أطفالها إنها متعرفش طرق العقاب السليمة اللي لازم تتبعها معاهم.

..


الأم العصبية


يجب تسجيل الدخول للمشاركة في اثراء الموضوع


نعم تأثير الهومونات على جسم الانسان كبير و خاصة عندما تكون الحالة النفسية متوثرة و مضطربة مما ينجم عنها تأثيرات و سلوك غير سوى اتجاه الاخرين


اكيد دكتور وفى اغلب الأحيان العصبية يكتسب من آلام