مدونة فرنسا يوسف غازى الشناوى


ازاى تربى طفل متميز غير التربية التلقدية ؟

فرنسا يوسف غازى الشناوى | France Youssf Ghazy Elshenawy


05/03/2022 القراءات: 1076  


ازاي تربي طفل متميز ؟؟

كل أب وأم أمنيتهم يربو طفل متميز وناجح يقدر يفكر يبقي سعيد يعتمد علي نفسه ودا لخصه دكتور *جاسم المطوع*
في ٦ نقاط وهما : 👇👇👇

١ : بناء الإيمان : مش بس بحفظ القرآن والأدعية المختلفه لا كمان بالحديث عن حب الله ومواقف السيره والتأمل في خلق الله وخلق أنفسنا .
٢ : تحمل المسؤوليه : مفيش شخص اعتمادي يقدر يكون ناجح وبيطور من نفسه عشان كده لازم نعودهم عالمسؤليه ومن أهمها اعمال المنزل وخصوصا غرفته _ يحترف لعبه رياضيه _ يتعلم حرفه زى النجاره أو الطبخ أو التطريز .

٣: الحب والحنان الغير مشروط : اللي بيوصل لابنك إحساسه بالأمان طول الوقت " انا بحبك وبدعمك حتى لو أخطأت انا معاك وهعلمك ... " ❤️

٤ : الدعم والتشجيع : والتشجيع هنا بيكون دايما علي المجهود مش النتيجه " انا فخور بيك لانك بتحاول _ انت قوى _ انت مبدع_ انت مميز جدا وذكي 💞

٥ : القدوه والنموذج : وطبعا دا بيكون جميل اوى لو كان للاب والام لكن دايما نشوف شخص ناجح جدا خصوصا أن لو في حاجه الطفل متميز فيها وممكن جدا يكون القدوة في خال أو عم عنده صفات جميله نتمناها للطفل .

٦ : قوانين البيت : للطعام وآدابه_ قوانين للعلاقه بين الاخوات _ مسؤوليات كل فرد _ مده استخدام التكنولوجيا )

دمتم آباء رائعين وأمهات رائعات 🌷


ازاى تربى طفل متميز


يجب تسجيل الدخول للمشاركة في اثراء الموضوع