مدونة فرنسا يوسف غازى الشناوى


أوعى تهزر مع ابنك او بنتك بالطريقة دى:

فرنسا يوسف غازى الشناوى | France Youssf Ghazy Elshenawy


05/08/2022 القراءات: 814  


أوعى تهزر مع ابنك بالطريقة دى وتقوله.
أنا لقيتك على باب الجامع..❗

أنا لقيتك في صفيحة الزبالة.. ❗

أنا لقيتك تايه في الشارع.. ❗

اعرفي إن جنب الكذب اللي بتكذبيه..
وبتاخدي عليه وزر كبير..

إنتي حرفيا بتدمري نفسية طفلك وبتديه إحساس بشع بعدم الأمان..
والحيرة..
والخوف..

هيفضل يبص في ملامحك عشان يتأكد إنك مامته..

هيفضل محتار في أصله وفصله..

هيشك في اسمه اللي هو اسم زوجك.. وباباه..

هيحس إن كل العلاقات اللي حواليه دي مش حقيقية..

وإنه المفروض يكون عايش مع ناس تانيين.. مش موجودين ومش عارف ليه سابوه.. وإيه ذنبه إنه يترمي..💔❗
وناس تانية تاخده وتربيه.. 💔

اتقي الله في طفلك ونفسيته..
وبلاش الهزار المؤذي ده..

في ناس بتكبر ومبتعرفش تتعامل مع الشعور ده وبتفضل فاكرة إنها كانت لقيطة..
وإنكم ادتوهم اسم عيلتكم بالحرام..

وكل ما تحاولي تقنعيه إن ده هزار..
يحس بالحيرة أكتر وأكتر..

كل ده بسبب هزار سخيف. وغير مضحك.. وبدون هدف.. غير ترويع قلب طفل..
مسكين..

❗💔

هزار ملوش أي فايدة..

وكله ذنوب.واحزان وقلق للطفل ربنا يحفظ اولادنا جميعاً اللهم امين يارب.


اوعى تهزر مع إبنك


يجب تسجيل الدخول للمشاركة في اثراء الموضوع