مشكلة الكذب عند الاطفال من المشاكل الشائعة
فرنسا يوسف غازى الشناوى | France Youssf Ghazy Elshenawy
28/08/2024 القراءات: 327
موضوع النهارده عن *مشكله الكدب*
اول حاجه لازم نعرفها ::
١- أيه سبب الكذب؟
٢- بيكذب كام مره؟
٣-رد فعل الام لما بيكذب؟
٤- بيكذب مع مين؟
*اما انواع الكذب:*
*اولا:: الكذب التخيلي::*
- يوجد عند الاطفال من سن (٤-٦)سنوات
- في هذه المرحله بيكون خيال الطفل واسع ويتكون اللغه مكتمله عنده مما يساعده علي التخيل
*علاجه::*
١- ممنوع الام تقوله انت كداب
٢- الام تقوله انت خيالك واسع
٣- احكيله قصص عشان يبدأ يحكيها وبكدا يكون مخه انشغل بحاجه مفيده
٤- الام ما تكذبش أمام الطفل ولا تبرر الكذب مافيش حاجه اسمها (كذب ابيض) الكذب هيفضل كذب
*ثانياً::الكذب الالتباسي::*
- ناتج عن الفهم الخاطئ
- ناتج عن سوء تفسير الموقف
*علاجه::*
التفسير والتوضيح
*ثالثاً::الكذب الدفاعي::*
- ينتشر بين الأطفال الذين تتجاوز أعمارهم ال ٧ سنين
-يحدث بدافع الخوف
- يحدث نتيجه أن الام شخصية تسلطيه (مش بتسمح أن ولادها يعملوا اي حاجه خطأ واسهل وسيله عندها هي الضرب )
*علاجه::*
١- التبرير ( ابررله موقفه مثلا أقوله ممكن وانا ماشيه اكسر الكوبايه من غير قصد وبعدين اسال مين كسر الكوبايه.. فيقول أنا ..فالأم تقوله انا بحب صراحتك برافو عليك)
٢-لو الطفل عمل مشكله في المدرسه لا يجب علي الأم أن تسامحه لابد من عقاب الطفل علي الاشياء الخطأ حتي لا يستسهل الأمر
*رابعاً:: الكذب الإنتقامي :::*
-ناتج عن الغيره وهنا بعالج الغيره
- *علاج الغيره::* فنيه دوائر النجاح
*خامساً:: الكذب التفاخري:::*
- ناتج عن الشعور بالنقص
*علاجه::*
-مثل علاج الثقه بالنفس
-الام تمدح ابنها أمام الآخرين
-معامله الطفل كأنه كبير
- أخذ رأيه في الحاجات الروتينية مثل الاكل
*سادساً:: الكذب المرضى:::*
-ابشع نوع من انواع الكذب
-المريض بيفضل يكذب لحد ما يصدق نفسه واللي حوله يصدقوه وبيتبرمج عصبيا عنده أن دا الصح
*علاجه:::* الطب النفسي
*سابعاً:: الكذب التقليدي:::*
-الشخص بيفتي
*علاجه::*
التصحيح (يعني أسأله سؤال اكون عارف إجابته واشوفه وهيقول أيه واصححله كلامه)
*ثامناً:: الكذب العنادي :::*
- الغرض منه هو العند فقط
*علاجه:::* علاج العند
مشكلة الكذب عند الاطفال
يجب تسجيل الدخول للمشاركة في اثراء الموضوع